Вікторыя Азаранка згубіла багаж па дарозе ў Будапешт
Там яна павінная ўзяць удзел у матчах Кубка федэрацыі.
Беларуская тэнісістка Вікторыя Азаранка прапусціць першы матч Кубка федэрацыі, які зборная Беларусі гуляе супраць Грузіі. Яе багаж згубіўся па дарозе ў Будапешт.
“Я не ўдзельнічаю ў першым матчы толькі таму, што мой багаж згублены. У мяне няма ракетак і ўвогуле нічога. Спадзяюся, прыбудзе сёння”, — напісала Азаранка ў твітары.
У складзе нашай каманды на Кубку федэрацыі гуляюць таксама Вольга Гаварцова і Аляксандра Сасновіч.
Кубак федэрацыі — гэта найбуйнешыя ў свеце камандныя спаборніцтвы па жаночым тэнісе, якія сёлета праходзяць у Будапешце.
