Віктар Ганчарэнка не можа папракнуць каманду і не адчувае безвыходнасці

Галоўны трэнер БАТЭ Віктар Ганчарэнка абяцае, што яго каманда "моцная духам і яшчэ пазмагаецца за выхад у групавы раунд Лігі Еўропы". Нагадаем, учора ў Барысаве БАТЭ ў першым матчы плей-оф прайграў балгарскаму "Літэксу" з лікам 0:1.
"Нягледзячы на паражэнне, я не адчуваю безвыходнасці", — заявіў галоўны трэнер барысаўчан на пасляматчавай прэс-канферэнцыі. Ён прызнаўся, што яму "цяжка папракнуць каманду", якая, на яго погляд, добра гуляла на працягу 90 хвілін, але не здолела забіць.

БелаПАН