Вікіпедыя пра БНР: першая беларуская дзяржава ці няўдалая спроба?

Беларуская Народная Рэспубліка — гэта…

На тарашкевіцы:

…беларуская дзяржава, улада якой распаўсюджвалася на частку тэрыторыі сучаснай Беларусі.

Афіцыйны правапіс:

…дзяржава, абвешчаная на тэрыторыі Беларусі ў пачатку XX стагоддзя.

На рускай мове: Белорусская Народная Республика —

…палітычнае ўтварэнне, абвешчанае 25 сакавіка 1918 года ў перыяд Першай сусветнай вайны ва ўмовах нямецкай акупацыі і ўцёкаў бальшавікоў з Мінска.

Па-польску: Biełaruskaja Narodnaja Respublika —

…палітычная арганізацыя, аб стварэнні якой абвясціў Выканаўчы Камітэт Усебеларускага Кангрэса 9 сакавіка 1918 года ў Мінску, ва ўмовах акупацыі цэнтральнай часткі беларускіх зямель нямецкай арміяй. Беларуская Народная Рэспубліка не здолела развіцца ў самастойную і прызнаную дзяржаву, таму некаторыя крытыкі называюць БНР “папяровай рэспублікай”.

Па-ўкраінску: Білоруська Народна Республіка —

…дзяржаўнае ўтварэнне на тэрыторыі сучаснай Беларусі. Прыкметы суверэнітэту над пэўнымі тэрыторыямі захоўвала больш за 6 месяцаў. Абвяшчэнне БНР — важкі фактар развіцця сучаснай беларускай ідэнтычнасці.

На англійскай мове: The Belarusian People's Republic —

…была няўдалай спробай стварыць беларускую дзяржаву, абвясціўшы незалежнасць у 1918 годзе.

Нямецкая версія: Die Weißrussische Volksrepublik —

…была першай незалежнай беларускай дзяржавай, пакуль не была зрынутая ў 1919 годзе Савецкім Саюзам. Рада існуе і пасля знікнення рэспублікі і з’яўляецца адным з найстарэйшых урадаў свету ў выгнанні.

Па-іспанску: La República Popular de Bielorrusia —

…была няўдалай спробай стварыць беларускую дзяржаву, абвясціўшы незалежнасць у 1918 годзе, пастаянна паказваецца як дзяржава-спадарожнік Германскай імперыі.

На французскай: La République populaire biélorusse —

…першая беларуская незалежная дзяржава. Прыход савецкай улады ў 1919 годзе прывёў да знікнення БНР, змяніўшы яе на Савецкую Сацыялістычную Рэспубліку Літвы і Беларусі.

Па-шведску: Vitryska folkrepubliken —

…уяўляла сабой самастойную беларускую дзяржаву, якая абвясціла сваю незалежнасць у 1918 годзе. Яна таксама называлася Беларускай дэмакратычнай рэспублікай ці Беларускай Народнай рэспублікай, каб не атаясамлівацца з камуністычнай народнай рэспублікай.

І па-кітайску: 白俄羅斯人民共和國 —

…беларуская дзяржава, якая абвясціла незалежнасць у 1918 годзе.

Фота: wikipedia.org, karty.by, inbelhist.org

Новости других медиа
Загрузка...

Галоўнае

Выбар рэдакцыі