"Віцебск" аплаціць адпраўку ў Нігерыю цела загінулага футбаліста

ФК "Віцебск" аплаціць адпраўку ў Нігерыю цела загінулага футбаліста 20-гадовага Кельвіна Адэнігба. У гэтым сезоне ён паспеў згуляць толькі ў чатырох матчах за беларускую каманду. У пачатку чэрвеня Адэнігба патануў у возеры Белае. Яго цела знаходзілася ў моргу больш за месяц — у сям'і футбаліста няма амаль 5 тысяч долараў, патрэбных для яго рэпатрыяцыі на радзіму. Пра гэта нядаўна ў Instagram распавяла маці Кельвіна Адэнігба. У выніку грошы знайшоў клуб.

19 ліпеня на стадыёне ЦСК ФК "Віцебск" прайшло развітанне з футбалістам.