Ветерынар браў хабар падчас адбыцця пакарання паводле іншага прысуду
![Хабар, ілюстрацыйнае фота](/sites/default/files/styles/gallery_main/public/2024-07/chabar-0907_1.jpg.webp?itok=Ev9Rs5Ph)
Хабар, ілюстрацыйнае фота / прэс-служба пракуратуры
У Бераставіцкім раёне за атрыманне хабару асудзілі 39-гадовага галоўнага ветэрынарнага лекара аднаго з сельгаспрадпрыемстваў, паведамляе прэс-служба пракуратуры Гродзенскай вобласці.
У 2023 годзе мужчыну за прыпіскі падзяжу буйной рагатай жывёлы асудзілі да папраўчых работ. Як выявіла следства, падчас адбыцця пакараняя ў 2023-2024 гадах ветэрынар узяў больш за 10 тысяч рублёў хабару ад прадстаўніка камерцыйнага прадпрыемства "за спрыяльнае вырашэнне пытанняў, якія ўваходзяць у яго кампетэнцыю". У тым ліку гаворка ішла пра закупку ў прыватнай кампаніі кармавых дабавак для цялятаў.
Па сукупнасці злачынстваў і прысудаў мужчыну прызначылі 5 гадоў і 1 месяц калоніі ўзмоцненага рэжыму. Таксама яго аштрафавалі на 13,2 тысячы рублёў (330 базавых велічыняў).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.