Венгрыя адмовілася выдаваць у Мінск валанцёра з Акрэсціна
Венгрыя адмовілася выдаваць Беларусі валанцёра з Акрэсціна, затрыманага праз Інтэрпал. Разбіральніцтва доўжылася больш за 4 месяцы і скончылася на карысць Валянціна Уласіка.
Цяпер актывіст на волі, у бяспецы і неўзабаве зможа сустрэцца са сваякамі, паведамляе "Цэнтр беларускай салідарнасці".
Уласіка затрымалі ў ліпені 2021 года. Венгерскія праваахоўнікі высадзілі яго з цягніка, якім ён ехаў на адпачынак з Харватыі, і арыштавалі. Прычынай арышту назвалі тое, што Беларусь падала яго ў міжнародны вышук праз Інтэрпал. Гэта быў адзін з прыкладаў таго, як беларускія сілавікі выкарыстоўваюць Інтэрпал дзеля палітычнага пераследу.
