Вавёркі адабралі цягнік у брытанцаў, а Маск засланіў агляд Сусвету — #ІхНоравы

18/09/2024 - 16:53

#ІхНоравы / Калаж Улада Рубанава, Еўрарадыё

На досвітку брытанцы спакойна сабе ехалі ў аэрапорт, але цягнік раптам спыніўся і давялося перасаджвацца на іншы. Праблема была ў дзвюх вавёрках, якія забраліся ў вагон, спалохаліся, разнерваваліся і адмовіліся выходзіць.

Словам, прасцей было пакінуць вагон вавёркам, чым патлумачыць, чаму ім не трэба ў аэрапорт. У свеце здараецца ўсякае. І такія пацешныя навіны — і сапраўдная дзіч.

У нашых аглядах мы расказваем вам пра ўсё.

Маск засланіў Сусвет

Даследнікі з Нідэрландаў кажуць, што радыёхвалі ад усё большай колькасці спадарожнікаў Ілана Маска блакуюць магчымасць навукоўцам разглядваць Сусвет. Новае пакаленне спадарожнікаў Starlink асляпляе радыётэлескопы, і навукоўцы не могуць нармальна працаваць.

Гэтыя спадарожнікі забяспечваюць шырокапалосны доступ у інтэрнэт па ўсім свеце, і нават у складаных рэгіёнах. Напрыклад, ва Украіне. А яшчэ інтэрнэт праз Starlink вельмі хуткі. Але ў гэтага свая цана.

"З кожным запускам новых спадарожнікаў мы бачым усё менш і менш неба", — рэзюмуюць навукоўцы.

Цяпер ім складаней разгледзець, напрыклад, самыя раннія галактыкі, якія знаходзяцца на адлегласці мільёнаў і мільёнаў светлавых гадоў ад нас.

Смяротныя пэйджары

Ізраільская разведвальная служба "Масад" заклала выбухоўку ў тысячы пэйджараў ліванскай групоўкі "Хезбалы", піша ВВС са спасылкай на шматлікія крыніцы. Пэйджары здэтанавалі па ўсім Ліване.

Міністэрства аховы здароўя краіны паведаміла, што як найменш 12 чалавек загінулі. Сярод іх двое дзяцей. А 2750 чалавек дасюль знаходзяцца ў шпіталі.

ВВС піша, што сёння адбыўся яшчэ як мінімум адзін выбух, калі натоўпы людзей сабраліся на пахаванне чатырох ахвяр учорашняй трагедыі.

Ізраільскія і амерыканскія крыніцы паведамляюць, што Ізраіль падарваў пэйджары раней, чым планавалася, бо асцерагаўся, што "Хезбала" даведалася пра план.

Вядома, што пэйджары завезлі ў краіну некалькі месяцаў таму. "Хезбала" карысталася імі з пачатку года — мабільныя тэлефоны забаранілі, таму што іх было занадта лёгка адсочваць.

Не бойцеся бумераў

Пакуль мы з вамі вывучаем, ад якіх эмодзі адмовіцца, каб не праславіцца бумерам, у польскім Уроцлаве бумераў ледзь не носяць на руках. Спакойна, быць бумерам не страшна і нават весела (раскажыце пра гэта сваім зумерам).

Марш шляп

Już jutro rozpoczynają się Wrocławskie Dni Seniora Marsz Kapeluszy - wyruszy z Placu Solnego o 14:30, a następnie Senioralna Para Królewska odbierze klucz do bram miasta pic.twitter.com/BkjilX7X3g
— Wroclaw (@wroclaw_info) September 5, 2024