Васіля Уткіна абурыла літара "а" ў прозвішчы беларускага трэнера ЦСКА

Васіля Уткіна абурыла літара "а" ў прозвішчы беларускага трэнера ЦСКА

Новы трэнер маскоўскага ЦСКА беларус Віктар Ганчарэнка просіць пісаць яго прозвішча па-руску праз літару "а" — "Ганчаренко". А расійскі футбольны каментатар Васіль Уткін у шоку ад гэтай просьбы. Ён на ўвесь твітар абураецца за рускую мову. І нават змяняе подпіс у твітары на "Восилий Уткин".

З прозвішчам Ганчарэнкі ўвесь час адбываецца блытаніна: нават у Беларусі яго пішуць хто як. Еўрарадыё калісьці адмыслова звярталася па тлумачэнне ў прэс-службу барысаўскага БАТЭ, якое шмат гадоў узначальваў трэнер. Нам адказалі, што правільна па-руску — "Ганчаренко". Маўляў, так напісана ў Віктара Міхайлавіча ў пашпарце.

Але Уткіна не разбіць, не спыніць, не стрымаць:

Радыкальным тролінгам беларускага футбола каментатар забаўляецца з 2011 года, калі БАТЭ гуляла ў Лізе чэмпіёнаў супраць "Барселоны": "Галоўны трэнер БАТЭ Віктар Ганчарэнка мусіць пры жыцці гарэць у пекле. Ён вырашыў, што яго клубу няма чаго лавіць у матчы з "Барселонай" і выставіў моладзь. Гэта Ліга чэмпіёнаў, бульбяная твая душа!" — вучыў беларускага трэнера жыццю Уткін. У тым жа маналогу на радыёстанцыі "Рэха Масквы" з'явіўся мем "вырашальная гульня з "Бульбачысткай" з Віцебска", якім Уткін ёміста ахарактарызаваў стан прыярытэты камандаў у беларускім футболе.

Аднак Віктар Ганчарэнка ў пекле не згарэў. У 2013 годзе ён перабраўся з БАТЭ ў краснадарскую "Кубань". А 12 снежня 2016 года стала вядома, што беларус ачоліў адзін з топавых расійскіх клубаў — маскоўскі ЦСКА.

Васіля Уткіна абурыла літара "а" ў прозвішчы беларускага трэнера ЦСКА
Віктар Ганчарэнка

Апошнія навіны

Галоўнае

Выбар рэдакцыі