Ваенкамат "накруціў" прызыўніку вагу, каб зрабіць яго прыдатным да службы
![У ваенкамаце "вырашылі" праблему недастатковай вагі (ілюстрацыйнае фота)](/sites/default/files/styles/gallery_main/public/2024-04/5e0b1a72359fad8be97ff0ce6c783bce.jpg.webp?itok=hHoGAFj4)
У ваенкамаце "вырашылі" праблему недастатковай вагі (ілюстрацыйнае фота) / sb.by
Віцебскі ваенкамат "накруціў" прызыўніку вагу, каб зрабіць яго прыдатным да службы. Абураны малады чалавек пайшоў у суд, піша @vitebsk_info.
Віцяблянін Максім на працягу доўгага часу пакутуе ад недастатковай вагі: пры росце ў 177 см у яго ўсяго 44 кг. Падчас медкамісіі ў ваенкамаце яго ўзважылі ў вопратцы з рознымі прадметамі ў кішэнях. У выніку вага склала 46,7 кг, а член камісіі і зусім акругліў яе да 47 кг. Такія маніпуляцыі з лічбамі і зрабілі хлопца прыдатным да службы.
Малады чалавек перадаў у суд дакументы, якія пацвярджаюць яго праблемы са здароўем з-за нізкай вагі. І суд прызнаў скаргу на рашэнне прызыўной камісіі абгрунтаванай і даў адтэрміноўку ад прызыву на 12 месяцаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.