Ва Украіну вярнулі падлетка, якога вайсковец-здраднік вывез у Беларусь
Улады Украіны вярнулі хлопца з Беларусі / Ілюстрацыйнае фота Reuters
Ва Украіну вярнулі падлетка, якога вайсковец-здраднік вывез у Беларусь. Пра гэта паведамляе Офіс Генпракурора Украіны.
Згаданы вайсковец праходзіў службу ў Севастопалі. У 2014-м ён перайшоў на бок ворага — Расіі. У лютым 2022-га здраднік удзельнічаў у агрэсіі РФ супраць Украіны. Ён быў сярод акупантаў, якія занялі вёску Хочава Вышгародскага раёна Кіеўскай вобласці. У сакавіку ён з трыма расійскімі вайскоўцамі затрымаў двух мясцовых жыхароў. Пад пагрозамі катаванняў і забойства іх вывезлі ў Беларусь. Аднаго з украінцаў адправілі ў Расію, а падлетка змясцілі ў дзіцячы дом у Мазыры.
Пасля таго, як хлопца вярнулі на радзіму, вайскоўцу-здрадніку паведамілі аб падазрэнні ў дзяржаўнай здрадзе і парушэнні законаў, звычаяў вайны. Дасудовае расследаванне праводзіць Нацыянальная паліцыя Украіны.
