Ва Украіне злавілі беларускіх кантрабандыстаў з 1,5 тоны цяляціны
Двух беларусаў затрымалі ў Валынскай вобласці Украіны.
Правапарушальнікі ехалі на двух аўтамабілях у бок мяжы з Беларуссю. Выявілі іх паміж украінскай вёскай Пулемец і беларускай Тамашоўкай.
Украінскі памежны атрад дагнаў аўтамабілі маркі "Фольксваген" недалёка ад мяжы, паведамляюць украінскія СМІ.
Выявілася, што мужчыны везлі ў іншамарках 35 цялячых тушаў агульнай вагой 1,5 тоны.
Кантрабандыстаў затрымалі і склалі акт аб адміністратыўным правапарушэнні.
Фота — vidomosti-ua.com