У 2023 годзе ў Беларусі сур'ёзна падаражэюць цыгарэты і моцны алкаголь
![Алкаголь у Беларусі](/sites/default/files/styles/gallery_main/public/2023-08/alkogol0502.jpg.webp?itok=5W4BQkCK)
Алкаголь у Беларусі
У 2023 годзе ў Беларусі сур'ёзна падаражэюць цыгарэты і моцныя алкагольныя напоі. Пра значнае падвышэнне ставак акцызаў на гэтую прадукцыю сказана ў апублікаваным Міністэрствам фінансаў "Бюджэце Рэспублікі Беларусь для грамадзян на 2023 год".
Павышэнне ставак акцызаў на цыгарэты I цэнавай групе плануецца ў 2,2 раза, па II цэнавай групе — на 60,9%, на стыкі — на 86%. Доля ўскосных падаткаў (у іх уваходзяць акцыз і ПДВ) у рознічным кошце пачка цыгарэт у Беларусі ў 2022 годзе дасягала 70%.
Стаўкі акцызаў на іншыя тытунёвыя вырабы (тытунь трубачны, курыльны, для кальяна, цыгары, цыгарылы) вырастуць на 13,1 — 21,3%. Акрамя таго, запланавана павышэнне ставак акцызаў на вадкасці для электронных сістэм курэння ў 5,1 раза.
Акцызы на моцныя алкагольныя напоі вырастуць на 31,1%.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.