Уначы амаль па ўсёй Беларусі чакаюцца снег і дождж

Уначы і раніцай у чацвер, 4 красавіка, амаль па ўсёй Беларусі чакаюцца снег, мокры снег і дождж. У дзённыя гадзіны ападкі прагназуюцца на ўсходзе нашай краіны. Сіноптыкі папярэджваюць пра галалёдзіцу на асобых участках дарог.

У начныя гадзіны тэмпература паветра складзе ад -3 да +3 градусаў (у Мінску — ад 0 да -2), удзень — ад +3 да +9 (на Брэстчыне — да +12, у сталіцы — 4-6 цяпла).

Падобныя ўмовы надвор'я захаваюцца і ў пятніцу, а ў суботу пацяплее (на поўдні — да +20), прагназуюцца дажджы, а месцамі і навальніцы.