Уладзімір Зяленскі надзеў вышыванку з арнаментам ад беларускай майстрыхі
![Уладзімір Зяленскі](/sites/default/files/styles/gallery_main/public/2023-08/ze_22_06.jpg.webp?itok=1cE4GUU1)
Уладзімір Зяленскі
Прэзідэнт Украіны Уладзімір Зяленскі з'явіўся на публіцы ў вышыванцы з арнаментам ад беларускай майстрыхі, заўважыў рэсурс kyky_org. Матыў для вышыўкі прыдумала Руфіна Базлава, а саму кашулю стварылі ва ўкраінскай майстэрні Indiposhiv.
Базлава родам з Гродна. У 2008-м яна паехала вучыцца на ілюстратара ў Чэхію, спачатку скончыла ўніверсітэт , затым — Акадэмію выяўленчых мастацтваў у Празе, дзе атрымала яшчэ адну спецыяльнасць — сцэнографа-лялечніка. Менавіта падчас навучання ў Празе зацікавілася вышыўкі і арнаментамі, расказвала Руфіна ў інтэрв'ю "Нашай ніве".
Раней жанчыны не ўмелі ні чытаць, ні пісаць, таму вышыўка зрабілася іх кодам і мовай, тлумачыла Руфіна. Ёй падалася цікавай ідэя расказваць праз вышыўку гісторыі. Актыўна яна пачала працаваць у гэтай стылістыцы ў пратэсным 2020 годзе — выяўляла людзей, якія нясуць велізарны бчб-сцяг, аўтазакі, пагоню амапаўцаў за пратэстоўцамі, "дыджэяў пераменаў" і гісторыі палітвязняў. А больш яе работ можна знайсці ў Instagram.
![Владимир Зеленский надел вышиванку с орнаментом от белорусского мастера](/sites/default/files/styles/default_image_paragraph_watermark/public/paragraphs/image/ze22062.jpg.webp?itok=weMP-9e3)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.