Украінскія памежнікі абверглі заявы Лукашэнкі
![Мяжа Беларусі і Украіны](/sites/default/files/styles/gallery_main/public/2024-08/bczb.jpg.jpg.webp?itok=obVV_ved)
Мяжа Беларусі і Украіны / euroradio.fm
Украінскія памежнікі абверглі заявы Лукашэнкі пра “траціну арміі” на мяжы. Там кажуць, што сітуацыя на беларуска-украінскай мяжы не змяняецца.
“Мы не назіраем павелічэння тэхнікі або вайсковых беларускіх падраздзяленняў побач з нашай мяжой”, — сказаў выданню “Бабель” спікер ДПСУ Андрэй Дземчанка.
Лукашэнка заявіў, што перакінуў войскі да мяжы з Украінай пасля таго, як у Беларусі нібыта збілі ўкраінскія дроны. Незалежныя назіральнікі неўзабаве абвяргалі інфармацыю пра залёт беспілотнікаў. “Прасоўванні арміі”, акрамя слоў Лукашэнкі ды іншых чыноўнікаў, даказвалі кароткімі відэа з парай танкаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.