Украінская разведка пацвердзіла, што знішчыла чатыры самалёты Іл-76 у Пскове
Самалёт Іл-76 / Вікіпедыя, ілюстрацыйнае фота
Украінская разведка пацвердзіла сваё дачыненне да начной атакі беспілотнікаў на Пскоў, перадае hromadske.ua.
Былі знішчаны чатыры ваенна-транспартныя самалёты ІЛ-76, што стаялі на ваенным аэрадроме. У аперацыі ўдзельнічалі таксама іншыя падраздзяленні ўкраінскіх Сіл абароны.
"Знішчаныя — гэта азначае, што нанесеныя паражэнні не дазваляюць аднавіць гэты самалёт і вярнуць яго ў шэрагі і да выканання задач", — заявіў прадстаўнік Галоўнага ўпраўлення разведкі Украіны Андрэй Юсаў. Ён дадаў, што, паводле некаторых звестак, акрамя чатырох знішчаных яшчэ два самалёты атрымалі пашкоджанні.
Атака беспілотнікамі на пскоўскі аэрадром адбылася ў ноч на 30 жніўня.
Юсаў дадаў, што разведка займаецца таксама спецаперацыямі ў акупаваным Крыме.
