Украіна знайшла два альтэрнатыўныя наземныя маршруты для экспарту збожжа
![Экспарт зерня з Украіны](/sites/default/files/styles/gallery_main/public/2023-08/zerno.jpg.webp?itok=hbJ4wM8o)
Экспарт зерня з Украіны
Украіна разам з заходнімі партнёрамі распрацавала два наземныя маршруты для экспарту збожжа. Яны стануць альтэрнатывай марскім перавозкам у сітуацыі, калі Расія блакуе ўкраінскія марскія парты.
"Расія выракае мільёны людзей на голад, блакуючы нашы парты, — заяўляе міністр замежных спраў Украіны Зміцер Кулеба. — Разам з партнёрамі Украіна знайшла два альтэрнатыўныя наземныя маршруты для дастаўкі харчовага экспарту і выратавання Афрыкі і іншых рэгіёнаў ад голаду".
Тым часам расіяне дзясяткамі тон вывозяць збожжа з акупаваных украінскіх тэрыторый. У тым ліку і морам — праз порт Бярдзянск. Аднак патэнцыйныя пакупнікі ўжо зразумелі, што збожжа, якое праходзіць па дакументах як расійскае, на самой справе скрадзена ва Украіне. І не жадаюць яго купляць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.