У віленскім гандлёвым цэнтры з'явіўся "дамавік"
Мужчыну не аднойчы штрафавала паліцыя, але ён працягвае вяртацца ў гандлёвы цэнтр Ozas.
У гандлёвым цэнтры Ozas у Вільні, папулярным сярод беларусаў, з'явіўся "дамавік". Як піша ru.delfi.lt, малады мужчына перад закрыццём гандлёвага цэнтра хаваецца, а калі гасяць святло, ходзіць як у сябе дома.
Па словах супрацоўнікаў цэнтра, аднойчы "дамавік" скраў некалькі соцень літаў, а таксама спрабаваў зварыць сабе кавы. Паліцыя не адзін раз штрафавала мужчыну, але і пасля гэтага ён вяртаўся і хаваўся ў гандлёвым цэнтры.
Фота — delfi.lt
