У Віцебску высвятляюць абставіны гібелі пад коламі “Аўдзі” 73-гадовай жанчыны
![У Віцебску высвятляюць абставіны гібелі пад коламі “Аўдзі” 73-гадовай жанчыны](/sites/default/files/styles/gallery_main/public/2023-08/000024_166409_big.jpg.webp?itok=s6KIsK4M)
У Віцебску высвятляюць абставіны гібелі пад коламі “Аўдзі 80” 73-гадовай жанчыны. Як інфармавала Еўрарадыё, у аўторак каля 19-й гадзіны легкавік наехаў на пенсіянерку, якая пераходзіла вуліцу па нерэгуляваным пешаходным пераходзе. Ад атрыманых траўмаў яна памерла на месцы здарэння.
У адносінах 25-гадовага кіроўцы распачалі крымінальную справу. Паводле папярэдняй інфармацыі, ён быў цвярозы, у яго ўзялі біяаналізы. Аднак мужчыну не затрымлівалі, напісала на сваёй старонцы ў Facebook афіцыйная прадстаўніца УСК па Віцебскай вобласці Святлана Сахарава. Праваахоўнікі шукаюць сведкаў, каб аднавіць поўную карціну трагічнага здарэння.
![У Віцебску высвятляюць абставіны гібелі пад коламі “Аўдзі” 73-гадовай жанчыны](/sites/default/files/paragraphs/image/3b41f2417cab489386040f5544da9374.jpg)
Фота: vk.com/vitebsk__jai