У Віцебску раніцай гарэў шматпавярховік — эвакуявалі больш за 30 чалавек
![Сярод эвакуяваных 19 дзяцей](/sites/default/files/styles/gallery_main/public/2024-02/vitebsk_5_02_3.jpg.webp?itok=mHZeHTAr)
Сярод эвакуяваных 19 дзяцей / vitebsk.mchs.gov.by
У Віцебску раніцай гарэла кватэра ў шматпавярховым доме па вуліцы Ленінградскай. Пажар узнік на другім паверсе. Гаспадыня кватэры разам з дзіцем выбралася самастойна, а вось яе суседцы з трэцяга паверха спатрэбілася дапамога ратавальнікаў. Разам з ёй у кватэры знаходзіліся двое дзяцей.
"Праз акно па трохкаленнай лесвіцы жанчына перадала свайго 11-месячнага немаўляці выратавальніку, і ён перанёс яго ў бяспечнае месца", — расказваюць у МНС. Саму жанчыну і сына-падлетка забяспечылі адмысловымі маскамі і вывелі праз лесвічную клетку. З верхніх паверхаў ратавальнікі таксама эвакуявалі 31 чалавека, у тым ліку 19 дзяцей. Адна з версій, чаму здарыўся пажар — парушэнне правілаў эксплуатацыі электрасетак і электраабсталявання, кажуць у МНС.
![В Витебске утром горела многоэтажка — эвакуировали более 30 человек](/sites/default/files/styles/default_image_paragraph/public/paragraphs/image/vitebsk_5_02_5.jpg.webp?itok=ptD8pEqZ)
![В Витебске утром горела многоэтажка — эвакуировали более 30 человек](/sites/default/files/styles/default_image_paragraph/public/paragraphs/image/vitebsk_5_02.jpg.webp?itok=1KGiqfgP)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.