Аўтамабіль з двума рыбакамі з'ехаў у Сож
Аўтамабіль з'ехаў у раку Сож / АСВОД
У Веткаўскім раёне ў раку Сож з'ехаў аўтамабіль з двума рыбакамі, паведамляе АСВОД.
У чацвер, 25 ліпеня, двое мужчын рыбачылі каля вёскі Аднаполле Веткаўскага раёна. У нейкі момант аўтамабіль, у якім яны сядзелі, з'ехаў у ваду.
Кіроўцу і пасажыру, як паведамляецца, удалося выбрацца з машыны самастойна.
А вось сам аўтамабіль з вады на бераг дасталі вадалазы Веткаўскай выратавальнай станцыі АСВОД і ратавальнікі МНС.
