У Жыткавіцкім лясгасе змагаліся з вялікім лясным пажарам
Лясны пажар (ілюстрацыйнае фота) / t.me/minleshoz/
У Жыткавіцкім лясгасе ў Гомельскай вобласці змагаліся з вялікім лясным пажарам. У Міністэрстве лясной гаспадаркі сцвярджаюць, што яго ўжо ўдалося лакалізаваць.
Агульная плошча пажару ацэньваецца прыкладна ў 5,8 гектара (амаль 2 гектара — балота). Для яго ліквідацыі задзейнічалі больш за дзясятак адзінак тэхнікі і каля 60 чалавек з дзяржлесааховы. Дапамогу аказалі Палескі лясгас, Нацпарк "Прыпяцкі" і ратавальнікі.
Прычына ўзнікнення ляснога пажару невядомая.
