У варшаўскі суд перадалі справу пенсіянера, які шпіёніў на карысць КДБ Беларусі
![У варшаўскі суд перадалі справу пенсіянера, які шпіёніў на карысць КДБ Беларусі](/sites/default/files/styles/gallery_main/public/2023-08/telescope-5257599_1280_0.jpg.webp?itok=jpgNWOjB)
У Акруговы суд Варшавы перадалі крымінальную справу пенсіянера, які шпіёніў на карысць КДБ Беларусі. Мужчына ў свой час служыў спачатку ў польскім спецназе, затым — у паліцыі і памежнай службе краіны (да 2001-га). Пра яго затрыманне стала вядома ў кастрычніку мінулага года.
Гжэгаж М. чакае пачатку разгляду сваёй справы ў судзе ў следчым ізалятары. Яго абвінавачваюць у супрацоўніцтве з беларускай спецслужбай і ў спробе перадаць ёй даныя, раскрыццё якіх магло б нанесці шкоду Польшчы. Адзначаецца, што следства сабрала "шырокі доказны матэрыял". Таксама высветлілася, што мужчына захоўваў без дазволу боепрыпасы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.