У сераду ў Беларусі чакаецца мокры снег, дождж, да 6 цяпла
Калі ўначы ападкі прагназуюцца на большай частцы тэрыторыі нашай краіны, дык удзень пераважна на поўдні.
Сіноптыкі папярэджваюць пра галалёдзіцу на асобных участках дарог. Вецер пераменных напрамкаў, 3-8 метраў за секунду.
Што да тэмпературы паветра, дык у начныя гадзіны яна складзе ад 3 градусаў ніжэй за нуль да 2 градусаў цяпла, у дзённыя — 1-6 градусаў вышэй за нуль.
Такое надвор'е захаваецца і ў бліжэйшыя дні. Тэмпература паветра ў Беларусі ў сярэдзіне лютага на 5-10 градусаў перавышае кліматычную норму.
Фота — bymedia.net
