У Салігорску загінуў рабочы падчас рамонту спарткомплексу

Раніцай 17 чэрвеня на рамонтных працах на спарткомлексе "Шахцёр" у Салігорску зламаўся металічны гідрападымальнік. З-за гэтага перакулілася люлька з двума рабочымі (40 і 56 гадоў).

— Хоць і [рабочыя. — Еўрарадыё] былі прышпіленыя тросам і знаходзіліся ў касках, атрымалі цяжкія траўмы. Мужчын даставілі ў бальніцу, але 56-гадовага жыхара Салігорска выратаваць не ўдалося, — піша прэс-служба Следчага камітэта.

Месца здарэння аглядаюць спецыялісты Дзяржаўнага камітэта судовых экспертыз і інспектар Дэпартамента інспекцыі па ахове працы. Апытваюцца відавочцы, адбіраецца дакументацыя.

Салігорскі аддзел Следчага камітэта праводзіць праверку.