У Рэчыцы праваліўся асфальт пасля прарыву трубы калектара на глыбіні 5 метраў
Камунальная аварыя ў Рэчыцы / Дняпровец
На перасячэнні вуліц Савецкай і Красікава ў Рэчыцы праваліўся асфальт. На час рамонту там спынілі аўтамабільны рух.
Раённая газета "Дняпровец" піша, што гэта адбылося ўдзень 11 сакавіка. Рамонтныя працы працягвалі ўсю ноч, але завяршыць іх пакуль так і не змаглі.
Спецыялісты прадпрыемства "Рэчыцаводаканал" растлумачылі, што асфальт праваліўся ў выніку пралому трубы цэнтральнага калектара на глыбіні 5 метраў. Складанасць аднаўленчых работ палягае ў тым, што побач з месцам пралому трубы праходзіць лінія "Белтэлекама".
Зранку 12 сакавіка на месца здарэння прыбыла тэхніка прадпрыемства "Беларуснафта". Для бесперапыннай працы калектара камунальнікі паставілі спецыяльныя пампавальныя станцыі.
Камунальная аварыя ў Рэчыцы / Дняпровец
Камунальная аварыя ў Рэчыцы / Дняпровец
Камунальная аварыя ў Рэчыцы / Дняпровец
