Каля моста, які абрынуўся ў Барысаўскім раёне, пакуль пабудуюць часовы мост
Мост праз раку Рава абрынуўся 19 траўня / ex-press.by
У раёне моста, які абрынуўся на аўтарозе Барысаў — Беразіно плануюць пабудаваць часовы мост, паведамляе БЕЛТА са спасылкай на генеральнага дырэктара РУП "Мінскаўтадар-цэнтр" Васіля Гледку.
"Яго пабудуюць цягам двух тыдняў", — расказаў Гледка. На гэты час арганізаваны аб'езд для аўтатранспарту масай да 20 тон па суседніх дарогах. Шлях за кошт гэтага аб'езду павялічваецца на 8 кіламетраў.
Нагадаем, мост на аўтадарозе Барысаў-Беразіно праз раку Рава абрынуўся 19 траўня. Відавочцы кажуць, што ён не вытрымаў нагрузкі, калі па ім праехаў шматтонны грузавік МАЗ. Грузавік падчас здарэння страціў адзін з двух задніх мастоў, але людзі не пацярпелі.
Абставіны здарэння цяпер высвятляюць следчыя.
На месца здарэння выязджалі следчыя / @skovby
