У расійскім Ейску ваенны самалёт зваліўся на жылы дом
![Авіякатастрофа ў Ейску / t.me/bbbreaking](/sites/default/files/styles/gallery_main/public/2023-08/rasieja-1710-2.jpg.webp?itok=0Cd1GAcZ)
Авіякатастрофа ў Ейску / t.me/bbbreaking
У расійскім Ейску (Краснадарскі край РФ) вайсковы самалёт зваліўся на жылы дом і выбухнуў, перадае ТАСС. Звестак пра ахвяры пакуль няма.
Пілот, хутчэй за ўсё, паспеў катапультавацца.
Паводле некаторых звестак, адзначае meduza.io, самалёт быў з поўным боекамплектам. Таму на месцы аварыі прагучаў не адзін выбух.
Плошча пажару ў жылым доме ў Ейску складае 2 тысячы квадратных метраў. Паводле папярэдніх даных, пасля падзення самалёта пашкоджана 15 кватэраў. Відавочцы кажуць, што дзевяціпавярховік гарыць знізу даверху.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.