У Расіі "Правы сектар" дагнаў па папулярнасці "Адзіную Расію"
Украінская партыя, а яшчэ нядаўна баявая арганізацыя, па колькасці згадак у расійскіх СМІ не саступае прапуцінскай партыі.
Пра гэта сведчаць вынікі красавіцкіх даследаванняў, праведзеных кампаніяй public.ru. Сярод рэйтынга згадак палітычных аб'яднанняў у расійскім медыя-полі найбольшую колькасць балаў набралі "Адзіная Расія" і "Правы сектар" — 19,05 тысяч і 18,9 тысяч балаў адпаведна. Іншыя партыі адстаюць, як мінімум, на 7 тысяч балаў.
Як адзначае сайт censor.net.ua, найхутчэй такой папулярнасці сярод расійскіх медыйнікаў "Правы сектар" абавязаны #Візітцы Яраша, якая пабіла рэкорды папулярнасці ў мінулым месяцы.
