У Расіі могуць забараніць продаж цыгарэт жанчынам да 40 гадоў
Адпаведны законапраект ўнесены на разгляд у Дзярждуму дэпутатам ад Кампартыі Іванам Нікітчуком.
Акрамя таго, згодна з законапраектам, жанчына, старэйшая за 40 гадоў, не зможа купіць цыгарэты, калі побач з ёй знаходзіцца дзіця, якое не дасягнула 14 гадоў. Калі прадавец сумняваецца ва ўзросце пакупніцы, ён можа запатрабаваць у яе пашпарт, адзначае БЕЛТА. Для прадаўцоў-парушальнікаў прадугледжваюцца значныя штрафы.
У тлумачальнай запісцы да законапраекта адзначаецца: жаночае курэнне б'е па рэпрадуктыўнай сістэме арганізма, што нясе неаднаўляльныя страты для генетычнага фонду нацыі.
Фота з сацыяльных сетак
