У Рагачове ДАІ знайшла хлопца, які голым ездзіў на даху аўто

У Рагачове ДАІ знайшла хлопца, які голым катаўся на даху аўто — відэа гэтага інцыдэнту, выпадкова знятага іншым удзельнікам дарожнага руху, трапіла напярэдадні на YouTube. На роліку з відэарэгістратара бачна, што насустрач едзе “Опель Тыгра”, на даху якога ляжыць мужчына ў адных плаўках.

Як пазней высветлілася, на рулём машыны была 22-гадовая дзяўчына, а на даху катаўся яе знаёмы. Цяпер ДАІ праводзіць праверку і дасць прававую ацэнку дзеянням парачкі.