У пятніцу ў Беларусі чакаецца 12-18 градусаў цяпла, пераважна без ападкаў

У пятніцу, 29 красавіка, у Беларусі будзе пераважна без ападкаў. Кароткачасовыя дажджы магчымыя толькі месцамі: уначы — на паўночным усходзе, раніцай і ўдзень — на захадзе. Вецер будзе няўстойлівы, 3-8 метраў за секунду.

Што да тэмпературы паветра, то ў начныя гадзіны прагназуецца 1-6 градусаў са знакам плюс (месцамі — ад 0 да мінус 2), у дзённыя гадзіны — 12-18 цяпла (на паўночным захадзе — 9-11 градусаў вышэй за нуль), паведамляе БЕЛТА са спасылкай на Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.