У Польшчы судзяць гандляроў беларускамі
Ім пагражае да 15 гадоў турмы. Агулам па справе праходзіць 18 чалавек.
Іх абвінавачваюць у гандлі людзьмі, сутэнёрстве і спрыянні прастытуцыі. Працэс над імі пройдзе ў мясцовасці Гожув-Велькапольскі Любушскага ваяводства.
Падсудныя — гэта ўладальнікі публічных дамоў ў Гожуве-Велькапольскім, ахоўнікі ў іх, бармэны, таксісты і асобы, якія размяшчалі ў мясцовай прэсе адпаведныя аб’явы. Трох з іх абвінавачваюць у вярбоўцы на тэрыторыі Беларусі шасці жанчын для занятку прастытуцыяй.
Акрамя таго сэксуальныя паслугі ў публічных дамах аказвалі грамадзянкі Польшчы і Украіны. Дзейнічала злачынная група з канца 1990-х гадоў. Справа ж была пачатая пасля заявы ў паліцыю адной з жанчын, паведамляе Польскае прэсавае агенцтва.
Фота — farishta.uz
