У Польшчы чакаюць, што з пацяпленнем плынь мігрантаў з Беларусі вырасце
Польская мяжа / twitter.com/Straz_Graniczna
На беларуска-польскай мяжы зноў стала расці колькасць мігрантаў. З пацяпленнем іх стане яшчэ больш. Такое меркаванне выказаў прадстаўнік міністра-каардынатара спецслужбаў Польшчы Станіслаў Жарын.
Па яго словах, на беларуска-польскую мяжу мігранты прыязджаюць з Расіі. "Менавіта Крэмль з'яўляецца бенефіцыярам гэтай дзейнасці", — падкрэсліў Жарын. Ён дадаў, што Польшча лічыць сітуацыю на мяжы гібрыднай аперацыяй, якая з'яўляецца часткай расійскай агрэсіі супраць Захаду.
Памежная служба Польшчы 28 лютага паведамляла пра 46 чалавек, якія спрабавалі нелегальна перайсці мяжу з боку Беларусі, 1 сакавіка — пра 93 чалавекі, 2 сакавіка — пра 74 чалавекі.
Border Guard reports also show that some citizens of EU countries, as well as Polish activists, do not understand what we are dealing with. Operations on the PL-BLR border are a hybrid operation in line with Russia's aggression against the West. pic.twitter.com/xwsR11Aq7P
— Stanisław Żaryn (@StZaryn) March 3, 2023
