У перамовах Кантактнай групы ў Мінску можа прыняць удзел Уладзіслаў Суркоў
Пра гэта заявіў расійскі амбасадар у Беларусі Аляксандр Сурыкаў.
Памочнік расийскага прэзідэнта Уладзіслаў Суркоў можа прыняць удзел у пасяджэнні Кантактнай групы па Украіне, якое пройдзе 10 лютага ў Мінску. Пра гэта інфармуе ТАСС са спасылкай на амбасадара Расійскай Федэрацыі ў Беларусі Аляксандра Сурыкава.
Па словах дыпламата, у яго ёсць інфармацыя, што Суркоў прыляціць у Мінск. У другой палове дня чакаецца таксама прыбыццё пасла Расіі ў Кіеве Міхаіла Зурабава, паведаміў Сурыкаў. У другой палове дня чакаецца і прыбыццё ўкраінскага прадстаўніка Леаніда Кучмы.
Не выключана, што Суркоў ужо знаходзіцца ў Мінску. Ён мог прыляцець увечары 9 лютага самалётам Уладзіміра Пуціна.
Чакаецца, што перамовы Кантактнай групы могуць пачацца не раней за 18-ю гадзіну.
Фота — hvylya.net
