У Парыжы сярод белага дня абрабавалі прынца
Зламыснікі скралі 250 тысяч еўра наяўнымі, а таксама адабралі аўтамабіль.
Узброены напад быў здзейснены на картэж саудаўскага прынца. Як паведаміў у панядзелак інфармацыйны тэлеканал BFM-TV, зламыснікі выкралі 250 тысяч еўра наяўнымі, а таксама адабралі аўтамабіль. Імя абрабаванага не раскрываецца.
Паводле інфармацыі тэлеканала, інцыдэнт адбыўся на ўездзе ў горад. Напад на аўтамабіль, які належыць амбасадзе Саудаўскай Аравіі, здзейснілі некалькі чалавек, узброеных аўтаматамі. Акрамя грошай, у іх рукі патрапілі дакументы дыпламатычнай місіі і асабістыя рэчы прынца. Па дадзеных паліцыі, зброя не ўжывалася, пацярпелых няма. Нападнікам удалося схавацца.
