У панядзелак у Беларусі будзе вельмі цёпла, да +9
У бліжэйшыя суткі, 21 снежня, у Беларусі будзе хмарна з праясненнямі. Уначы будзе пераважна без ападкаў. Удзень на большай частцы тэрыторыі краіны пройдуць кароткачасовыя дажджы. У асобных раёнах прагназуецца слабы туман.
Вецер будзе паўднёва-заходні ўмеркаваны, месцамі парывісты. Мінімальная тэмпература паветра ўначы складзе ад 2 да 7 градусаў цяпла, удзень паветра прагрэецца да 9 градусаў вышэй за нуль. Ніякіх небяспечных метэаралагічных з’яваў не чакаецца, інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджання і маніторынгу навакольнага асяроддзя Мінпрыроды.
Фота: Bymedia.net
