У Нямеччыне згарэў аўтавоз з электрамабілямі, якім кіраваў беларус
![Наступствы пажару на аўтавозе](/sites/default/files/styles/gallery_main/public/2024-03/screenshot_2024-03-02_141105.png.webp?itok=XkaV7chk)
Наступствы пажару на аўтавозе / HS
У Нямеччыне згарэў аўтавоз з шасцю электрамабілямі, якім кіраваў 36-гадовы беларус. Інцыдэнт адбыўся ў пятніцу, 1 сакавіка, каля 08:20 раніцы недалёка ад горада Касель у федэральнай зямлі Гесэн, пра яго паведамляе мясцовая паліцыя.
Падчас руху адно з колаў прычэпа лопнула, а потым загарэлася. Кіроўца спыніў аўтавоз і паспрабаваў сам пагасіць полымя вогнетушыльнікам. Але гэтыя спробы не мелі поспеху, і агонь ахапіў увесь аўтавоз.
Праз здарэнне трасу давялося перакрыць на 4 гадзіны, перанакіраваўшы трафік. У пажары ніхто не пацярпеў. А вось матэрыяльныя страты, паводле папярэдніх ацэнак, складаюць каля 300 тысяч еўра.
![В Германии сгорел автовоз с электромобилями, которым управлял белорус](/sites/default/files/styles/default_image_paragraph/public/paragraphs/image/Screenshot%202024-03-02%20141023.png.webp?itok=0tX4AbCh)
![В Германии сгорел автовоз с электромобилями, которым управлял белорус](/sites/default/files/styles/default_image_paragraph/public/paragraphs/image/Screenshot%202024-03-02%20141038.png.webp?itok=0BpDzkig)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.