У нядзелю на поўдні Беларусі абвяшчаецца аранжавы ўзровень небяспекі — спёка
![У нядзелю на поўдні Беларусі абвяшчаецца аранжавы ўзровень небяспекі — спёка](/sites/default/files/styles/gallery_main/public/2023-08/spioka_3.jpg.webp?itok=TDxMNK_O)
У бліжэйшыя суткі, 28 жніўня, у Беларусі чакаецца надвор’е з пераменнай хмарнасцю і пераважна без ападкаў.
Вецер будзе няўстойлівым, слабым да ўмеркаванага. Тэмпература паветра ўначы складзе ад +9 да +16, а ўдзень 23-29 цяпла, пры гэтым на поўдні слупкі тэрмометраў падымуцца да +33.
У сувязі з экстрэмальнай спёкай, якая прагназуецца ў паўднёвых раёнах, сіноптыкі абвяшчаюць на гэтых тэрыторыях аранжавы ўзровень небяспекі, перадае БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджання і маніторынгу навакольнага асяроддзя Мінпрыроды.