У музей Беларусі з расійскага музея перадалі вышыванку савецкага маршала
Падчас перадачы ў Маскве / t.me/warmuseumby/
27 чэрвеня ў Цэнтральным музеі Узброеных Сіл РФ у Маскве адбылася сустрэча дырэктара Беларускага дзяржаўнага музея гісторыі Вялікай Айчыннай вайны і галоўнага захавальніка фондаў з нашчадкамі маршалаў Савецкага Саюза Васіля Сакалоўскага, Канстанціна Ракасоўскага і Алега Лосіка. Яны перадалі на пастаяннае захоўванне ў беларускі музей асабістыя рэчы згаданых военачальнікаў, якія дагэтуль захоўваліся ў расійскім музеі.
Сярод перададзеных прадметаў — пісьмовы стол, лямпа, будзільнік, чамадан, альбомы з фотаздымкамі. На фота з цырымоніі перадачы бачная і вышыванка. Каму з маршалаў яна належала, не ўдакладняецца.
Сакалоўскі і Ракасоўскі — ураджэнцы Беларусі, Лосік нарадзіўся на Смаленшчыне.
