У Мінску з'явіцца парк маладзёжных субкультур
У кожным раёне ўзвядуць пляцоўкі для трэніровак паркурыстаў, варкаўтараў і скейтбардыстаў.
Гэтыя новыя маладзёжныя рухі становяцца ўсё больш папулярнымі, адзначае тэлеканал "Беларусь 1".
Першыя варкаўтары з'явіліся ў Беларусі 5 гадоў таму. Дваровыя кампаніі аб'ядналіся ў вялікія групы, якія зараз штогод праводзяць у сталіцы сустрэчы вулічных спартсменаў.
Праз тыдзень цэнтрам варкаўта стане Гомель. Наймацнейшыя спартсмены краіны пазмагаюцца за пуцёўку на чэмпіянат свету, які ў ліпені пройдзе ў Маскве.
