Вы тут

У Мінску зноў разбіты аўтамабіль ДАІ

Разбіты аўтамабіль ДАІ / @gaiminsk

У Мінску зноў разбіты аўтамабіль ДАІ. Як паведамляе @gaiminsk, у нядзелю каля 16:30 адбылося ДТЗ на скрыжаванні праспектаў Машэрава і Пераможцаў. Там сутыкнуліся "Мазда" і "службовы аўтамабіль Дзяржаўтаінспекцыі". На фота відаць, што ён атрымаў "механічныя пашкоджанні".

Машыны "аператыўнага прызначэння" рэгулярна трапляюць у ДТЗ у беларускай сталіцы. Як падлічыла @nashaniva, за апошні месяц у краіне здарылася як мінімум восем ДТЗ з удзелам міліцэйскіх аўтамабіляў. Папярэдняе адбылося 12 лістапада ў сталіцы, калі на тым жа праспекце Пераможцаў сутыкнуліся службовы аўтамабіль ДАІ і "Шкода".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.