У Мінску затрымалі грамадзяніна ЗША
15 ліпеня ў розных гарадах Беларусі затрымалі каля 30 чалавек, падлічыў праваабарончы сайт "Вясна".
У Мінску затрымалі 19 чалавек. Сярод затрыманых былі і журналісты — Антон Трафімовіч з Радыё "Свабода" (яму пры затрыманні разбілі нос) і Віялета Саўчыц з БелаПАН. Таксама міліцыянты затрымалі грамадзяніна ЗША Алега Мікалайчука.
Удзень 15 ліпеня мінчукі сталі ў даўжэзную чаргу, каб перадаць у Цэнтрвыбаркам свае скаргі на нерэгістрацыю кандыдатамі ў прэзідэнты Віктара Бабарыкі і Валерыя Цапкалы. ЦВК працаваў да 19-й гадзіны, пасля чаго людзі пайшлі на галоўпаштамт — адправіць скаргі лістамі. Аднак паштамт зачынілі, міліцыя перакрыла праход да яго, а потым пачаліся затрыманні.
Таксама 9 чалавек затрымалі ў Барысаве і аднаго ў Гродне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.