У Мінску маршрутка ўрэзалася ў дрэва, пацярпелі 5 чалавек

У Мінску маршрутка ўрэзалася ў дрэва. Як паведамляе прэс-служба сталічнай ДАІ, здарэнне адбылося ў пятніцу каля 17-й гадзіны. Mercedes ехаў па Арлоўскай вуліцы з боку плошчы Бангалор у накірунку вуліцы Карастаянавай. У нейкі момант вадзіцель не саўладаў з кіраваннем, у выніку чаго маршрутка выехала за межы праезнай часткі і сутыкнулася з дрэвам.

У салоне былі пасажыры. Пацярпелі 5 чалавек.

Таксама 24 верасня ў Чавускім раёне вылецела ў кювет і перакулілася маршрутка з пасажырамі.