У Мінску 13 школ цалкам адмовіліся ад папяровых дзённікаў
![У Мінску 13 школ цалкам адмовіліся ад папяровых дзённікаў](/sites/default/files/styles/gallery_main/public/2023-08/000022_c1598f36c3cfed20432582ea004d45d4_898816.jpg.webp?itok=aM_8D051)
У Мінску 13 школ цалкам адмовіліся ад папяровых дзённікаў. Іх замянілі электронныя дзённікі. У яшчэ 124 установах адукацыі сталіцы выкарыстоўваюцца абодва варыянты. Пра гэта ў праграме "Вялікі горад" на тэлеканале СТБ паведаміла начальнік аддзела Камітэта па адукацыі Мінгарвыканкама Марына Ільюшчэня. Паводле яе слоў, увядзенне электронных дзённікаў, як і электронных журналаў, выклікае "вялізную колькасць станоўчых водгукаў". І не толькі з боку бацькоў, але і саміх вучняў.
Развітацца цалкам з тым жа папяровым журналам не так проста, кажа Ільюшчэня. Ён з'яўляецца асноўным дакументам установы адукацыі і мае свой тэрмін захоўвання. Але ў бліжэйшы час чыноўнікі абяцаюць вырашыць гэтую праблему.