У мінскім метро пачаўся мантаж новых інфармацыйных схем (фота)

На дзвюх станцыях мінскага метро — "Уручча" і "Кунцаўшчына" — пачаўся мантаж новых інфармацыйных схем. Яны з'явяцца ў вестыбюлях і на платформах. Паколькі гэта пілотны праект, на іншых станцыях новай схемы пакуль не будзе. Метрапалітэн будзе вывучаць меркаванні пасажыраў аб мэтазгоднасці размяшчэння новаўвядзення ў метро, інфармуе БЕЛТА.

Распрацавалі новую схему метро спецыялісты Беларускай асацыяцыі экспертаў і сюрвеераў на транспарце. Яна істотна адрозніваецца ад  дзейнай (і не толькі па дызайне). Акрамя ліній "падземкі" на схеме пазначаныя мікрараёны, гарадская чыгунка, асноўныя лініі наземнага транспарту каля станцый метро.