У мінскім гандлёвым цэнтры "Скала" закрылі буйны гіпермаркет
Крама Green падчас праверкі / тг-канал адміністрацыі Фрунзенскага раёна
У мінскім гандлёвым цэнтры "Скала" часова закрылі гіпермаркет Green — да ліквідацыі ўсіх парушэнняў. Адпаведнае рашэнне прыняла адміністрацыя Фрунзенскага раёна сталіцы.
Напярэдадні ў сацсетках з'явіліся відэа з крамы: на іх былі бачныя мышы і прусакі ў прадуктовых аддзелах.
Чыноўнікі з раённай адміністрацыі пачалі праверку, якая выявіла парушэнні санітарна-эпідэміялагічных патрабаванняў.
На адказных асобаў гандлёвай кропкі санстанцыя пачала адміністрацыйны працэс.
