У мінскім "Дынама" з'явіўся 20-гадовы амерыканец, дзядуля якога з Гомеля
У хакейным мінскім "Дынама" з'явіўся 20-гадовы амерыканец Іван Лодня. Дасягнута дамоўленасць аб падпісанні кантракту, паведамляе клубная прэс-служба. Мінулы сезон Лодня правёў у складзе "Ніягара Айс Догс" у OHL, у 41 матчы набраў 62(27+35) ачкі.
Дзядуля Івана Лодні з Гомеля. Бацька, Канстанцін Лодня, быў савецкім хакеістам, выступаў за каманды з Украіны, у Злучаных Штатах — з 1996-га, працуе трэнерам, дапамог у развіцці хакейнага таленту сына. Іван нарадзіўся ў ЗША, мае амерыканскае грамадзянства. Хакеіста разглядаюць як патэнцыйнага кандыдата ў зборную Беларусі.
Яшчэ летась "Дынама" хацела падпісаць кантракт з перспектыўным хакеістам, але не атрымалася — з яго клубам не ўдалося дамовіцца.
Рассказываем про карьеру 20-летнего нападающего, пополневшего состав «Динамо». Он входил в топ бомбардиров лиги Онтарио, был капитаном в «Ниагре», играл в АХЛ.https://t.co/jDFc7MupZZ pic.twitter.com/W3vFCCYVV6
— ХК Динамо-Минск | HC Dinamo Minsk (@hcdinamoby) July 23, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
