У Мінск прыехала электрычка пад бел-чырвона-белым сцягам
Aктывісты моладзевага крыла Zмена кампаніі “Гавары праўду!” адзначылі Дзень Незалежнасці 27 ліпеня.
Маладзёны павесілі вялікі бел-чырвона-белы сцяг на электрычку маладзечанскага кірунку, якая ехала ў Мінск. Цягнік прыбыў на сталічны вакзал з нацыянальнай сімволікай.
Сцяг быў павешаны ў раёне прыпыначнага пункта “Мінскае Мора”, інфармуе “Наша Ніва”.
Zмена таксама нагадала мінчукам пра палітвязняў Міколу Статкевіча і Алеся Бяляцкага.
