У мільёна польскіх навучэнцаў — дэпрэсія
Агулам у Польшчы каля 5 мільёнаў навучэнцаў. Атрымліваецца, што сімптомы дэпрэсіі мае кожны пяты.
Гэтая сітуацыя не мае аналагаў у свеце, кажуць спецыялісты.
Хлопцы і дзяўчаты адчуваюць трывогу, у іх кепскі настрой, яны неахвотна кантактуюць з аднагодкамі. Сярод прычын, якія выклікаюць у маладых людзей дэпрэсію, называюцца настаўнікі, якія могуць падкрэсліць слабыя месцы навучэнца ці нават пасмяяцца з яго.
Сітуацыю магла б змяніць рэформа сістэмы адукацыі на ўсіх узроўнях, ад пачатковай школы да універсітэта, кажуць спецыялісты. Настаўнікі мусілі б шукаць і падкрэсліваць моцныя бакі студэнтаў, бо ў кожнага можна знайсці нейкі талент, адзначае тэлеканал TVN24.
